في مثل هذا اليوم منذ عشرين سنة ولدت
حلمت بتحرير الوطن منذ الطفولة
وقلت غدا ستتحرر البلاد ولكن للأسف
ما زلنا تحت الاحتلال إلى هذا اليوم
وما زلنا ننتظر
هذا ما دفعني لكتابة هذه الخاطرة
عشرين سنة
وإحنا ضايعين وتايهين
ومش عارفين
يا ترى وين العرب
وين المسلمين
وهم معنا ولا مع مين
إلنا سنين
بنسمع على القدس رايحيين
ما شفناهم
ولا حتى كلمناهم
يا ترى شو السبب اللي مانعهم
لأنه الشعوب على أمرها مغلوب
وصوتها مش مسموع
ونبضها موقف ومقطوع
حتى الكلام عندهم ممنوع
رغم انه إحنا ما زلنا محتلين
ولليوم بنبكي أنين
والقدس بتنادي
وين يا مسلمين
عاملين حالكم مش سامعين
ومش شايفين
ولا انتو لليوم مغفلين
وعقولكو مش معاكو
وعن الوعي مغيبين
يا ربي لمتى الصمت
ولمتى التخاذل
ولمتى حنبقى محتلين
ولمتى حتبقو مقسمين
شو يا عرب
شو يا مسلمين
والله صار إلي عشرين
ولليوم ما شفت فيكم ولا بينكم صلاح الدين
يا ترى حتبقو صامتين
وفي سباتكم نايمين
ولا حتصحو وحيشدكو الحنين
لتحرير مسرى نبيكم الكريم
ولا شو
يا عرب
ويا مسلمين
