حكاية الأب وإبنه

الأب بيحكي مع الابن : تعال وله

الابن و بكل براءة : نعم

الأب :نعامة ترفصك ... تعال وله

الابن : ليش شو سويت؟

الأب : سواك ضريب يخلع رقبتك

الابن : شو فيه؟

الام : شاوي يشوي عضمك ....رد على أبوك بأدب وله

الابن : هوه أنا حكيت شي؟

الأب:حكحكوا جنابك بالعصايه أوقف عدل يا حيوان

الابن : حاضر

الأم :يحضروا على قبرك ان شاءالله ... لما أبوك يحكي إنت بتخرس

الابن :أخرس؟

الأب : أيوه إن شاءالله خرسه

الابن: ماشي

الأم: أجاك مشش في ركبك ما تقوم منه إن شاءالله

الابن :مشش ؟؟؟ شو هاذا المشش؟؟

الأب: أما إنك قليل حيا ...وبترد على أمك كمان ؟ هات العصاي وتعال وله

الابن: أنا رديت على أمي؟ يمّـه إحكي كلمه

الأم: موا يمزع نيـعـك وله ....حكيتلك اخرس

الابن أصبح مغلوب على أمره ومش فاهم إيش الموضوع وسكت

الأب: أما جيل قليل حيا...إحكي وله ... مالك إنخرست

الابن : شو أحكي؟ إذا حكيت بتقولوا عني قليل حيا وبتشوفوني غلط

الام :حيه الي تقرصك إن شاءالله ... قلتلك تأدب وانت بتحكي مع أبوك

الأب : ايش "بتشوفوني غلط" هاي ... شايفنا عميان ولا حول ؟

الابن : لا اله الا الله

الأم : الله يوخذك إن شاءالله .... يا ريتني خلفت إبن الجيران ولا إنت

الأب: انا مش عارف هاذا الولد متى بده يصير زلمه...دايما فاضحني بين الرجال

الابن: طيب شو أعمل عشان تشوفني زلمه ؟

الأب: قلتلك اخرس وله

الابن: يا الله ... يا الله ... يا جماعه شو مالكوا ... شو فيه ؟

الأم: آه صحيح إنت ليش ناديت عالولد يا زلمه ؟

الأب :بتصدقي يا مره إني نسيت.... نساني شو كنت بدي منه هالكلب

الاب : خلص روح إرجع على غرفتك يابا