بطلت اشتري

هاد مرة موظف وقف عند البقاله يلي بحارته واشترى شوية أغراض


وعند الدفع طلب من صاحب البقاله انه يسجلهن عليه بالدين فرفض صاحب


البقال وقاله ما بتعامل انا إللا بالكاش !!!


فقاله الموظف متعجب : بدك كاش ؟؟


قاله صاحب البقاله أي ليش لأ ؟


فجاوبه الموظف :


لأنه الكاش غير متوفر بالأسواق المحلية


لأنه تجمع بأيدي شلة من الحرمية


والحرمية صارو كتار


والكترة غلبت الشجاعة


والشجاعة كنز لايفنى


والكنز موجود بالمغارة


وااالمغارة ما بتفتح إلا لعلي بابا والأربعين حرامي


والأربعين حرامي صارو ملايين


والملايين عم تـندفع لضعاف النفوس رشوة


والرشوة صارت حق


والحق يا حسرتي ضاع


والأكل ما عاد منو غذاء


والغذاء مقابل النفط


والنفط جاب البلا على روسنا


وروسنا تمرمطت بالأرض


والأرض مقابل السلام


والسلام صار استسلام


والاستسلام ضيّع الكرامة


والكرامة خسر أدام الوحدة


والوحدة صارت حلم


والحلم سيد الأخلاق


والأخلاق تحولت لنفاق


والنفاق جمع نفق


والنفق لازم يتكمّل


ولحتى يتكمّل بدو متعهد بناء صالح


وصالح ما عاد بهالأيام


وبهالأيام صارت المفاهيم مقلوبة


والمقلوبة بدها بيتنجان ولحمة


واللحمة ماعادت تفوت لبيت الفقرا ولو نطحو الحيطان


والحيطان صار ألها آدان


وألآدان معبية البلد


وهالبلد صارت أرض

والأرض بتتكلم عربي


والعربي ماحدا بيقدر عليه غير العربي


والله اذا بنضل على هالحالة لتسحبنا الكلاب


ولكلاب أحسن من البني أدم

وأدم علق علقة مسخمة مع حوا


وحوا ما بتعرف غير كلمة بدي


وبدي ألعن أبو هالحالة

بطلت أشتري

ههههههههههههههههههههههههه
كلام رائع وجميل يعطيك العافيه
تقبل تحياتي

شكرا (قمر فلسطين) على المرور





تحياتي

ههههههههههههه
والله هادا صار حالنا

شكرا(اسد فلسطين)
&
(الرميصاء)
على المرور





تحياتي

شكرا (المدير العام)
&
(العندليب)
على المرور
والله يصلح هالحال





تحياتي

هههههههههههه
كلامك جدآ رائع
وفعلآ هذي الحالة اللي بنعيشها اليوم
ويسلموو على هالموضوع


تقبل مروري
ولك تحياتي

شكرا( اعتزلت الغرام) على المرور
ومهما كانت الكلمات رائعة
فالاجمل من ذلك ان تقرأوها
لانكم انتم من يحييها






تحياتي

ههههههههههههه يا ريته ما حكاله ادفع كاش
يسلموا اسير اللقاء موضوع اكتير حلو

شكرا (نور الكون ) على المرور
لأ منيح الي قله لأ خلي يفضفض شوية من الي في قلبه

يسلمواااااااااا
موضوع رائع

شكرا (امواج الحب) على المرور




تحياتي

*فعلا شر البليه ما يضحك , للاسف هذا حالنا,و شكرا على المساهمه ياأسيراللقاء

شكرا(المحجبة) على المرور
وبندعو من الله انه
يتصلح هذا الحال


تحياتي

شكرا ( انسان اكثر ) على المرور
وان شاء الله دايماترسم الابتسامة على وجوهكم









تحياتي

يعطيك ألف عافية يا أسير اللقاء
مساهمة جميلة وواقع صعب ومضحك في نفس الوقت
تقبل تحياتي

شكرا(انسان اكثر)
&
(الحنون)
على المرور





تحياتي