(( تفو )) مدح ولا شتيمه ؟؟؟

قصيده هزليه مضمونها
محاوره بين شاب وفتاه ؟؟ هي اتصلت به لليلاً
تعالو نشوف ماذا حصل بينهما
على امل ان تحوز على اعجابكم

مدري ( تفو ) هي مدحا ولاّ شتيمـة
حتي وردنـي تالـي الـليـل جــوال
وأنا على شاهي وبسكـوت ديمـة
الرقم بايخ لكـن الصوت قــتـال
كنــه مثل صـوت المذيعـة حليمـة

قالت مساء الخير يـا طيّـب الفـال

قـلت ارحـبـي ترحيبه مستديمـة
بـالـعــود والصفـري ودله وفنجـال
واجـبـك يا بنت الأصـول الكريمـة

وردت بضحكة ثم قالت وش الحـال؟

قلت اشهد إن الحال عقبك سقيمـة ....
قالت وهي تضحك بعد مثل الأطفال

وأنا بـعـــد كــنــي بــدونـك يتيمـة

مـن يـوم قـالـتهـا تزلزلـت زلـزال
مــن فجعتي كنـي مسـوي جريمـة
قلت ارفعي صوتك ترى مآبه إرسال
كـــذاب لــكـنّ المصيبـة عظيمـة

قالت أقول اسمع ترى هرجنـا طـال
مــمكـن تصاحبنـي ترانـي وسيمـة
واسمي الحقيقي أول حروفـه الـدال
لـكـن يسمّونـي البنـات الزعيمـة
صحيح أحب الفخفخة واعشق المال
لكـن ترانـي طــاهــرة مستقيـمـة
ما عندي أمغازل ولا( لعب عيـال)
ما عندي إلا في الشرف والحشيمـة
بس الصراحة قلبي لشوفتـك مـال
وأصبحت وحدك جالسٍ في صميمه
فكّر بعقلك واترك القيـل والقـال
واحذر تطيع أهل العقـول العقيمـة
وأرسل علي الحين خمسميـة ريـال
أشحن بهـا جـوال أختـي غنيمـة
أو طقم غالي فيه خاتـم وسلسـال
أروح بـه فـي عـرس ولاّ عزيمـة

قلت الحقيقة مانيب رجـل أعمـال
ولانـي بتاجـر والمـوارد عديـمـة
أنا الصراحة شبـه عطّـال بطّـال
وعلاقتـي بالفـقـر جـداً حميـمـة
والراتب الله يرحم الحـال مـا زال
محـدود والمصـروف ربـي عليمة
والـدين بـالآلاف والبنـك شغّـال
يأكل فـلـوسـي بالربـا والظليمـة
والسوق طايح والغلا ضيّـق البـال
والموت والله صايـر اكبـر غنيمـة

قالت تحمّل بـس والحمـل ينشـال
خلك شديد ألباس صلـب العزيمـة
ياخي تصرّف جعلك أتصير نشّـال
أهــم شــي إن النوايـا سليـمـة
لابــد تـفـهمني علـى كـل الأحـوال
ما دمت من أهل العقـول الفهيمـة

قلت إيه والله فاهم اللي على البـال
لـكن تـرى هـذي علينـا قديمـة
يـا بـنت هـذا صاير اليـوم مـوال
للي تبي تلعب علـى ابن اللئيمـة
يا بـنت ما تدرين كم فيـه محتـال
يلعب على الحبلين وأنتي غشيمـة
يا بنت كم من جاهلة دمعها سـال
من عقب ما جات العواقب وخيمـة
والبنت لا اقتفى عرضها بيد الأنـذال
والله مـا يـبقى لهـا أي قيـمة

قالت تبي ولاّ فـ خـلّك علـى جـال
مهوب ناقصـني نصايـح حكيمـة
عز الله إنك للأسف منـت رجّـال
وانك قليل الذوق ما فيـك شيمـة

يا

لعنبو اللي مـا يسطّـرك بنعـال
حـتى يـعلمـك الغزل يـا بهيمـة

تفو ... عليك وصكّت الخط في الحال
مدري ( تفو ) هي مدح ولاّ شتيمـة؟؟

وسلامتكم

(( تفو )) مدح ولا شتيمه ؟؟؟ Liilasup2_69c9350cf5

إنـــــسان أكـــــثر

سلمت يا ذيب عاش من قال

يعطيك العافيه

المدير العام

(( تفو )) مدح ولا شتيمه ؟؟؟ Liilasup2_b1dca774ba

(( تفو )) مدح ولا شتيمه ؟؟؟ Liilasup2_58a74629b4

اقول ترى والله انك بنت لئيمه
ونفسك بطاله وروحك سقيمه
وماتعرفين الأدب وللأخلاق
انتي عديمه
اتفو عليك يالغشيمه
مالقيتي تتصلي إلا على واحد
علاقته بالفقر جدآ حميمه!!
بصراحه انتي بهيمه

إذا ماكان بيعرف (تفو) مدح ولا شتيمة فأنا بحكيله : تفووووووو عليك ياغبي
يسلموا إنسان أكثر على مساهمتك الجميلة
تقبل تحياتي Laughing

اعتزلت الغرام

(( تفو )) مدح ولا شتيمه ؟؟؟ Liilasup2_c0fe11488d

الحنون

صح إلسانك ياإنسان اكثر

العندليب

هذي تفو صارت بجمل

والله المستعان

الرميصاء

شكرا (انسان اكثر) على هذه القصيدة الهزلية

تحياتي

يسلموووووووو عالموضوع الرائع

يسلم لسان اللي كتبها واللي وصلها والله بيقولوا( تفو )شتيمه لكن انا شايفه انها من هذه البنت لهذا الشاب( وسام )وتقول هي تفو في الاول احسن ما يقولوا الناس كلام اصعب بكتير في الاخر

اسير اللقاء

(( تفو )) مدح ولا شتيمه ؟؟؟ Liilasup2_6ece2916ba

النجم المتالق

المحجبه